Innritun barna í leikskóla fyrir skólaárið 2026 - 2027
Nú styttist í innritun í leikskóla fyrir haustið 2026. Það er mjög mikilvægt að allar umsóknir um leikskóla vegna innritunar haustið 2026 og umsóknir um flutning á milli leikskóla hafi verið skráðar fyrir 1. mars nk.
Aðalinnritun í leikskóla Árborgar fyrir haustið 2026 fer fram í mars og apríl nk. Foreldrar þeirra barna sem fá úthlutað leikskólaplássi fá svarbréf í tölvupósti sem mikilvægt er að bregðast við.
Aðlögunartímabil leikskólanna hefst í ágúst og mun standa fram á haust. Hluti af aðlögun í leikskóla er uppeldisnámskeið sem foreldrum býðst að taka þátt í. Námskeiðið heitir Uppeldi sem virkar - færni til framtíðar og fer fram í leikskóla barns. Leikskólastjórnendur veita nánari upplýsingar.
Umsóknum er skilað inn á rafrænu formi í gegnum Völu.
