Jói Fel í Sundhöll Selfoss
Myndlistarsýning Jóa Fel stendur yfir frá 19. janúar - 19. febrúar.
Jói Fel stundaði myndlistarnám í Myndlistarskóla Reykjavíkur, m.a. undir leiðsögn Kolbrúnar Kjarval. Hann er betur þekktur sem bakari og matgæðingur en myndlistin hefur alltaf fylgt honum og tekið meira pláss í lífi hans eftir að hann gekk til liðs við Myndlistarfélag Árnessýslu.
Jói hefur þróað og kennt sína aðferð sem byggir á snertingu, innsæi og beinu sambandi við efnið.
Á þessari sýningu má sjá bæði eldri og ný verk eftir hann, olíumálverk, olíu-pastelverk og einnig nokkrar eldri myndir sem vísa í menningarlegar og sögulegar persónur.
Sýningin stendur yfir frá 19. janúar -19. febrúar í Sundhöll Selfoss. Verið öll hjartanlega velkomin.
