Listagjáin | Myndlistarsýning nemenda FSu
Nemendur á þriðja þrepi í myndlist FSu verða með sýningu í Listagjánni á Bókasafni Árborgar, Selfossi, í september.
Myndirnar eru fjölbreyttar og sýna mismunandi aðferðir í blýantsskyggingu á náttúruformum, hlutum, byggingum og andlitum. Á sýningunni eru sýndar myndir úr áfanga MYNL3TK05. Í áfanganum var fengist við teikningu og mismunandi skyggingu hluta og forma. Gerðar tilraunir með blindteikningu svo og hlutfallaskiptingu í andlitsmyndum. Öllu blandað saman til að ná fram súrrealískum áhrifum.
Sýningin opnar fimmtudaginn 10. september og stendur til 30. september.
Opnunartími er mánudaga til föstudaga frá kl. 09:00 - 19:00 og laugardaga frá kl. 10:00 - 14:00
