Páskatónleikar Sinfóníuhljómsveitar Suðurlands 2023
Sinfóníuhljómsveit Suðurlands heldur sína fyrstu Páskatónleika í Selfosskirkju laugardaginn 8. apríl klukkan 16.00.
Einsöngvarar á tónleikunum verða þau Helga Rós Indriðadóttir sópran og Gunnlaugur Bjarnason baritón.
Auk þeirra koma þrír kórar fram með hljómsveitinni. Þetta eru Kirkjukór Selfosskirkju, Kammerkór Norðurlands og Skagfirski kammerkórinn. Hljómsveitarstjóri er Guðmundur Óli Gunnarsson.
Á efnisskrá tónleikanna verða íslensk einsöngslög í nýjum hljómsveitarútsetningum og hið magnaða kórverk Magnificat eftir breska tónskáldið John Rutter.
Miðasala er hafin á tix.is en einnig verður hægt að kaupa miða við innganginn.
