Stóri plokkdagurinn 2021
Líkt og undanfarin ár mun Sveitarfélagið Árborg styðja við framtak íbúa og plokksamfélagsins sem vilja stuðla að snyrtilegu umhverfi og leggja sitt lóð á vogarskálarnar til að tína rusl sem víðast.
Pokar til að tína rusl í verða aðgengilegir á eftirtöldum stöðum í sveitarfélaginu, auk þess sem fólk getur losað sig við afrakstur plokksins í stórsekki á sömu stöðum ásamt fleiri stöðum, sjá lista og kort hérna fyrir neðan.
Sekkirnir verða fjarlægðir kl. 13:00 og eftir það má losna við pokana á gámasvæðinu við Víkurheiði, sem er opið frá kl. 10:00 - 17:00.
Einnig verður hægt að skila af sér plokki endurgjaldslaust á gámasvæðinu við Víkurheiði mánudaginn 26. apríl nk.
Laugardaginn 24. apríl 2021 frá kl. 10:00 - 13:00 verður unnt að nálgast glæra plastpoka til ruslatínslu og losa sig við afraksturinn í stórsekki að tínslu lokinni á eftirfarandi stöðum:
- Eyrarbakki
Við sjoppuna. - Stokkseyri
Við sjoppuna. - Tjarnabyggð
- Selfoss
Sunnan við Ráðhús Árborgar.
Sunnan við Krambúðina (grænt svæði við Fossheiði).
Sunnulækjarskóli við íþróttahúsið. - Leikskólar Árborgar
Eftir 10:00 á laugardag má losa sig við afraksturinn á gámsvæðinu Víkurheiði til klukkan 17:00 og einnig mánudaginn 26. apríl.
Góð ráð fyrir Plokkið um helgina
PLOKKUM Í SAMKOMUBANNI
- Frábær hreyfing fyrir alla aldurshópa
- Einstaklingsmiðað
- Hver á sínum hraða
- Hver ræður sínum tíma
- Frábært fyrir umhverfið
- Fegrar nærsamfélagið
- Öðrum góð fyrirmynd
PLOKKTRIXIN Í BÓKINNI
- Finna sér svæði til að plokka á og hvetja fjölskylduna til að taka þátt.
- Stofna viðburð eða tengja sig inn á stofnaðan viðburð.
- Útvega sér ruslapoka, hanska og plokktöng.
- Klæða sig eftir aðstæðum.
- Virða samkomubannið og gæta að tveggja metra reglunni.
- Koma afrakstrinum á viðeigandi stofnun.
- Hringja eða senda tölvupóst á sveitarfélagið sitt og láta sækja ef magnið er mikið.
- Gæta fyllstu varúðar og brýna fyrir börnum að láta nálar og aðra hættulega hluti vera, en tilkynna til foreldra eða umsjónarmanna svo mögulegt sé að fjarlægja þá.
Gott plokk Sveitarfélagið Árborg