Sumarlestur Bókasafns Árborgar
Sumarlestur hefur verið haldinn í júní á hverju ári, frá árinu 1993 og er ókeypis lestrarhvetjandi námskeið fyrir krakka í 2.- 5. bekk.
Sumarlestur hefur verið haldinn í lok hvers skólaárs frá árinu 1993 í Bókasafni Árborgar. Sumarlestur er ókeypis lestrarhvetjandi námskeið fyrir krakka í 2.– 5. bekk, þau mega vera yngri eða eldri en viðmiðunin er að þau séu orðin stautfær í lestri.
Á hverju ári fær bókasafnið á Selfossi til sín höfunda barnabóka eða annað fólk með skemmtilega fyrirlestra fyrir börnin. Tveir hópar hafa verið í sumarlestri og hittast þeir einu sinni í viku þar sem börnin fá ýmst fræðslu eða skemmtun. Í hverri viku er dregið úr happdrætti þar sem börnin fá skemmtilega vinninga.
Sumarlesturinn endar með miklu fjöri í ratleik þar sem krakkarnir leita að vísbendingum og leysa þrautir.
Markmið sumarlestrar er að viðhalda lestrarhæfni og örva lestur bóka.
Í sumar er þemað EGYPTALAND
Nánar um sumarlestur á vefsíðu Bókasafns Árborgar, www.bokasafn.arborg.is
Myndirnar eru frá sumarlestri 2019, þar sem þemað var Risaeðlur.
