Verndarsvæði í byggð | AFLÝST
Ákveðið hefur verið að fresta kynningarfundi um Verndarsvæði í byggð þar til samkomutakmarkanir verða rýmkaðar í lágmark 50 manns á ný. Þá er stefnt að halda kynningarfund í Samkomuhúsinu Stað á Eyrarbakka. Við biðjum velvirðingar á þessari frestun, en vonumst til að sjá sem flesta á Stað, þegar að færi gefst.
Bæjarstjórn Sveitarfélagsins Árborgar hefur skv. lögum um Verndarsvæði í byggð, látið meta hvort lög um verndarsvæði í byggð eigi við um elsta hluta þorpsins á Eyrarbakka.
Bæjarstjórn Sveitarfélagsins Árborgar hefur skv. lögum um Verndarsvæði í byggð, látið meta hvort lög um verndarsvæði í byggð eigi við um elsta hluta þorpsins á Eyrarbakka. Á grundvelli þess mats, sem fram kemur í greinargerð verkefnisins, leggur bæjarstjórn til að sá hluti þorpsins á Eyrarbakka, sem samkvæmt aðalskipulagi Árborgar 2010 - 2030 fellur undir hverfisvernd, fái stöðu verndarsvæðis í byggð. Svæðið er um 28 ha að stærð og nær yfir elsta hluta Eyrarbakka þar sem flest hin svokölluðu aldamótahús standa og voru byggð út frá jörðunum Einarshöfn, Skúmsstöðum og Háeyri.
Markmið kynningarfundarins er að kynna fyrir íbúum og hagsmunaaðilum þá vinnu sem liggur orðið fyrir í formi greinargerðar og tillögu fyrir verkefnið ”Eyrarbakki - Verndarsvæði í byggð”
- Eyrarbakki verndarsvæði í byggð 2020
- Eyrarbakki Húsakönnun | Verndarsvæði í byggð (Héraðsskjalasafn Árnesinga)
Fundinum verður streymt í gegnum fésbókarsíðu sveitarfélagsins og þar verður jafnframt tekið á móti spurningum. Hægt er að senda spurningar fyrir kynningarfundinn beint til Helgu Maríu, helga.maria@arborg.is
Sveitarfélagið Árborg
