Auglýst eftir rekstraraðila fyrir tjaldsvæðið á Stokkseyri
Sveitarfélagið Árborg auglýsir eftir rekstraraðila að tjaldsvæðinu á Stokkseyri.
Hlutverk rekstraraðila er að hafa umsjón með tjaldsvæðinu, þ.m.t. umgengni, annast þrif aðstöðuhúsa og hreinsa rusl. Rekstraraðili leggur til áhöld og efni til þrifa, sápur og pappír. Opnunartími er auglýstur frá 1. maí til 1. október. Rekstraraðili innheimtir gjald fyrir notkun svæðisins og rennur gjaldið til hans. Aðstaða á tjaldsvæðinu hefur verið bætt á undanförnum árum og er tjaldsvæðið aðili að Útilegukortinu.
Leitað er að duglegum og drífandi rekstraraðila sem hefur ríka þjónustulund, er snyrtilegur í umgengni og hefur áhuga á að efla ferðaþjónustu á svæðinu.
Í umsókn komi fram nafn og kt. rekstraraðila, upplýsingar um fyrri störf og lýsing á því hvernig umsækjandi uppfyllir hæfniskröfur.
Umsækjendur skili umsókn í Ráðhús Árborgar, Austurvegi 2, Selfossi, eða með tölvupósti á netfangið bragi@arborg.is eigi síðar en þriðjudaginn 18. febrúar 2020.
Sveitarfélagið Árborg
