Bragi Bjarnason tekur við sem bæjarstjóri Árborgar
Sveitarfélagið Árborg hefur gengið frá ráðningu Braga Bjarnasonar í starf bæjarstjóra út kjörtímabilið 2022 - 2026. Bragi hóf störf 1. júní sl.
Bragi Bjarnason er fæddur þann 25.apríl 1981. Hann er menntaður íþróttafræðingur, með diplómu í stjórnun og MBA gráðu í fjármálum og stjórnun frá Háskóla Íslands.
Bragi hefur starfað lengi hjá Sveitarfélaginu Árborg og var m.a. deildarstjóri frístunda- og menningardeildar. Vann þá að íþrótta-, frístunda-, forvarna-, viðburða-, markaðs- og ferðaþjónustumálum fyrir sveitarfélagið. Árið 2022 var Bragi kosinn oddviti Sjálfstæðisflokksins í Árborg og hefur sinnt starfi formanns bæjarráðs sl. tvö ár.
Bragi er giftur Eygló Hansdóttur, íþróttafræðingi og saman eiga þau þrjú börn. Bragi hefur í gegnum tíðina tekið virkan þátt í íþrótta- og frístundastarfinu á svæðinu. Bæði sem þjálfari og síðar foreldrastarfinu í gegnum börnin.