Breytt setning vinnuskóla Árborgar 2020
Covid19 hefur sett sitt mark á þjóðfélagið allt síðustu mánuði og er vinnuskólinn engin undantekning. Vinnuskólinn verður starfræktur með svipuðu sniði og undanfarin ár og verður unnið við ýmiskonar umhverfis- og viðhaldsverkefni.
Vinnuskólinn hefur lengi verið stór vinnustaður og fer stækkandi með ári hverju.
Þetta árið var met aðsókn og hefja rúmlega 300 unglingar störf. Verkstjórar, flokkstjórar og aðstoðarflokkstjórar eru um 50 talsins. Starfssvæði Vinnuskólans nær yfir Selfoss, Stokkseyri og Eyrarbakka. Svæðunum er skipt niður og hver hópur fær sitt svæði til þess að sjá um.
Mikil áhersla er lögð á traust umhverfi, leiðsögn og fræðslu ásamt því að hafa gaman.
Covid19 hefur sett sitt mark á þjóðfélagið allt síðustu mánuði og er vinnuskólinn engin undantekning. Almannavarnir hafa gefið út leiðbeiningar fyrir vinnuskóla sem farið verður eftir.
Setning vinnuskólans sem jafnan fer fram nokkrum dögum fyrir fyrsta vinnudag fellur niður vegna fjöldatakmarkanna.
Í staðin verður skrifstofa vinnuskólans opin föstudaginn 5. Júní milli klukkan 13:30 - 15:30.
Þar gefst foreldrum og unglingum kostur á að mæta og tala við vinnuskólastjóra og fleiri starfsmenn.
Einnig verður síminn opinn þennan sama tíma. Við hvetjum ykkur til þess að hafa samband á þessum tíma ef einhverjar spurningar eru.
