Drög að nýrri umhverfisstefnu fyrir Árborg
Fyrir umhverfisnefnd Sveitarfélagsins Árborgar liggja nýjustu drög að umhverfisstefnu sveitarfélagsins sem hefur verið til vinnslu í nefndinni í samstarfi við Stefán Gíslason umhverfisstjórnunarfræðing.
Nefndin hefur ákveðið að kynna umhverfisstefnuna fyrir íbúum Árborgar á heimasíðu sveitarfélagsins og gefa íbúum færi á að koma með athugasemdir og ábendingar til umhverfisnefndar á netfangið mannvirkja.umhverfissvid@arborg.is.
Nefndin hefur einnig ákveðið að auglýsa eftir ábendingum og athugasemdum íbúa í héraðsfréttamiðlum, sem og á vefnum sunnlenska.is. Frestur til að koma með athugasemdir og ábendingar rennur út 4. maí nk. Umhverfisnefnd mun síðan taka ábendingar og athugasemdir sem berast nefndinni fyrir á næsta fundi sínum þann 6. maí, áður en umhverfisstefnan verður lögð fyrir til umræðu og samþykktar í bæjarstjórn.