Haustkaffi frístundaheimila Árborgar

19. nóvember 2025

• 
• 
• 

Mikið líf og fjör var á svæðinu þar sem gestir tóku þátt í fjölbreyttum og skapandi verkefnum. Sett voru upp jákvæðnitré þar sem gestir gátu búið til laufblöð með jákvæðum orðum eða myndum og hengt á trén. Einnig gafst tækifæri til að lita fallegar myndir, spila, púsla og búa til kransa.

Gestum var boðið upp á mandarínur, smákökur, heitt kakó og kaffi og nutu margir notalegrar samveru með börnunum.

Ánægjulegt var að sjá hversu margir mættu og tóku þátt í deginum.

Starfsfólk frístundaheimila Árborgar þakkar öllum þeim sem komu og gerðu haustkaffið að hlýlegum og skemmtilegum viðburði.