Lögð fram þingsályktunartillaga um menningarsal Suðurlands á Selfossi
Nokkrir þingmenn af Suðurlandi hafa lagt fram tillögu til þingsályktunar um uppbyggingu menningarsalar Suðurlands á Selfossi.
Í tillögunni er lagt til við Alþingi að mennta- og menningarmálaráðherra sé falið að leita samninga við Sveitarfélagið Árborg um að ljúka gerð menningarsalar Suðurlands á Selfossi. Samningurinn eigi þá að taka gildi árið 2020 og uppbyggingu salarins að ljúka eigi síðar en árslok 2021.
Sveitarfélagið Árborg fagnar tillögunni en í fjárlögum ríkisins fyrir árið 2020 er gert ráð fyrir fjármunum í menningarsalinn sem og gerir sveitarfélagið ráð fyrir fjármagni í sínum áætlunum til að vinna geti hafist á árinu við hönnun á salnum. Sveitarfélagið hefur sent umsögn um þingsályktunartillöguna og er hægt að lesa hana hér að neðan ásamt tillögu þingmannanna.