Móberg við Árveg
Nýja hjúkrunarheimilið á Selfossi hefur hlotið nafnið Móberg.
Bæjarráðsfulltrúarnir Tómas Ellert Tómasson, Arna Ír Gunnarsdóttir og Gunnar Egilsson, ásamt Baldvinu Ýr Hafsteinsdóttur frá HSU og bæjarstjóra sveitarfélagsins, Gísla Halldóri Halldórssyni komust að þeirri niðurstöðu að leggja til nafnið Móberg.
Tillagan kemur frá Kristínu Jónu Símonardóttur og með nafninu er vísað í bæjarfjall Selfoss, Ingólfsfjall, sem einkum er gert úr móbergi.
Fjöldi tillaga bárust um nafn á nýja hjúkrunarheimilið í Árborg. Þökkum við öllum þeim sem sýndu þessu áhuga og sendu inn tillögur.
