Ráðning garðyrkjustjóra sveitarfélagsins
Mannvirkja- og umhverfissvið hefur ráðið Guðlaugu F. Þorsteinsdóttur í nýtt starf garðyrkjustjóra.
Guðlaug er með meistararéttindi í skrúðgarðyrkju frá Landbúnaðarháskólanum á Reykjum í Ölfusi. Hún starfaði áður sem yfirverkstjóri verkbækistöðvarinnar á Klambratúni hjá Reykjavíkurborg, sem sinnir meðal annar Hljómskálagarðinum og miðbæ Reykjavíkur. Guðlaug hefur einnig starfað á ræktunarstöð Reykjavíkurborgar þar sem hún sá m.a um skipulagningu á ræktun sumarblóma fyrir borgina. Guðlaug býr yfir mikilli reynslu í skrúðgarðyrkju og stjórnun. Við bjóðum Guðlaugu hjartanlega velkomna til starfa og mun hún hefja störf 29. maí næstkomandi.