Roðagyllum heiminn | Gegn kynbundnu ofbeldi
16 daga átak gegn kynbundnu ofbeldi hefst laugardaginn 25. nóvember
25. nóvember er Alþjóðlegur dagur Sameinuðu þjóðanna gegn kynbundnu ofbeldi
Nú á laugardaginn hefst 16 daga átak sem stendur til 10. desember sem er mannréttindadagur Sameinuðu þjóðanna. Soroptimistar um allan heim taka þátt í þessu átaki sem kallast “Orange the world”.
Landssamband Soroptimista á Íslandi er einn þeirra fjöldamörgu aðila sem taka þátt í átakinu undir nafninu “Roðagyllum heiminn” en litur átaksins er appelsínugulur.
Soroptimistaklúbbur Suðurlands tekur þátt í þessu verkefni og vill vekja athygli á því á sem flestum stöðum
Soroptimistaklúbbur Suðurlands hefur undanfarið fengið stofnanir og opinberar byggingar til að flagga appelsínugulum fánum við sínar byggingar þessa 16 daga og vonar að sem flestir sjái sér fært að taka þátt í þessu átaki núna eins og endranær.
Sveitarfélagið Árborg tekur þátt í þessu mikilvæga átaki, flaggar appelsínugulum fánum og lýsir ráðhúsið með roðagylltum lit.