Skátastarf Fossbúa er hafið á ný með breyttu sniði
Skátastarfið hófst af fullum krafti mánudaginn 4. maí en með aðeins breyttu sniði til að koma til móts við breyttar aðstæður í samfélaginu.
Samkvæmt Fossbúum verða fundir framvegis 1,5 klst. í stað einnar áður. Fundataflan tekur því breytingum - sjá nýja töflu hér að neðan. Tímabil vorannar mun einnig lengjast um einn mánuð, til loka júní.
Til að draga úr smithættu verður engin hressing (ávextir og grænmeti) í boði við upphaf funda og reikna má með að skátastarfið færist meira út úr húsi.
Lögð verður áhersla á handþvott og sprittun og sameiginlegir snertifletir þrifnir vel og vandlega.
Lenging fundartíma og tímabils er gerð til að koma til móts við skáta og foreldra vegna funda sem féllu niður.
Tímasetning félagsútilegunnar er óljós en stefnt er að hefðbundinni tjaldútilegu við Fossá þegar það verður leyfilegt.
Fundatafla fyrir vorönn:
Mánudagur: kl. 17:15 - 18:45 | fs Kynjadýr (stelpur fæddar 2008)
Mánudagur: kl. 19:30 - 21:00 | rs Forynjur (skátar fæddir 2001-3)
Þriðjudagur: kl. 17:30 - 19:00 | fs Vatnaverur & fs Draugar (stelpur f. 2007 og strákar f. 2007-8) *
Þriðjudagur kl. 17:15 - 18:45 | fs Vofur (strákar f. 2009)
Fimmtudagur kl. 17:00 - 18:30 | ds Álfar (skátar fæddir 2006)
Fimmtudagur kl. 18:30 - 20:00 | ds Huldufólk (skátar fæddir 2004)
Fimmtudagur kl. 19:30 - 21:00 | ds Dvergar (skátar fæddir 2005)
* Ath. Fundatímar Vatnavera og Drauga liggja nú alveg saman og er það liður í undirbúningi sveitanna fyrir næsta vetur en þá munu þær mynda saman dróttskátasveitina Huldufólk. Samvinna mun væntanlega aukast eftir því sem líður á önnina.