Snjallmælavæðing Selfossveitna
Set ehf. á Selfossi og Selfossveitur hafa gert með sér samning um innkaup á snjallmælum hitaveitu. Fyrir liggur að snjallvæða alla hitaveitumæla hjá Selfossveitum en það hefur umtalsvert hagræði í för með sér en þá geta mælarnir sjálfir annast álestur og komið gögnum í rauntíma til Selfossveitna.
Mælarnir hafa talsverða þýðingu fyrir notendur en með tilkomu þeirra er hægt að fylgjast betur með notkuninni og stilla hana af. Þetta dregur úr líkum á háum bakreikningum því með mælunum er auðvelt að sjá með einföldum hætti ef notkunin rýkur upp og því hægt að bregðast fyrr við ef eitthvað er bilað eða ekki í lagi. Búnaðurinn sem um ræðir er frá fyrirtækinu Diehl í þýskalandi, en það er eins og áður sagði Set ehf á Selfossi sem flytur búnaðinn inn og mun annast verkið. Verkefnið er til næstu fimm ára en það tekur tíma að skipta ú öllum mælum í kerfinu. Fyrsta afhending á mælum verður nú í júní.
Frá vinstri: Jón Gautason og Valdimar Hjaltason frá Set. Sigurður Þór Haraldsson frá Selfossveitum.
Mynd: dfs.is/gpp