Sundhöll Selfoss opnar 00:01 aðfaranótt mánudagsins 18. maí
Sundlaugar Árborgar á Selfossi og Stokkseyri opna aftur eftir samkomubann mánudaginn 18. maí nk. mörgum til mikillar gleði.
Til að leyfa sundþyrstum íbúum og gestum að komast sem fyrst í sund verður Sundhöll Selfoss opnuð aðfaranótt mánudagsins eða eina mínútu yfir tólf á miðnætti (00:01) og verður opið alla nóttina. Sundlaug Stokkseyrar opnar síðan fyrir almennum gestum á hefðbundnum tíma kl. 16:30.
Sundgestir er beðnir um virða þær takmarkanir sem almannavarnir hafa sett fram og starfsfólk mun reyna að leiðbeina gestum eins vel og hægt er. Þetta byrjar þó og endar hjá okkur sjálfum enda erum við öll almannavarnir og í sameiningu getum við látið þetta ganga vel fyrir sig. Til upplýsingar þá verða t.d. takmarkanir á fjölda í heita potta, sauna og eimbaði.
Hlökkum til að taka á móti íbúum og gestum í sundlaugar Árborgar. Sjáumst hress.
Starfsfólk sundlauga Árborgar