Ný og áhugaverð sumarstörf fyrir námsmenn 18 ára og eldri
Á fundi bæjarstjórnar 29. apríl sl. var samþykkt að fjölga sumarstörfum fyrir námsmenn 18 ára og eldri á vegum Sveitarfélagins Árborgar í sumar, í ljósi þess ástands sem skapast hefur í atvinnumálum vegna Covid-19 faraldursins.
Um er að ræða fjölbreytt sumarstörf af öðru tagi en sveitarfélagið hefur áður boðið upp á. Bæjarstjórn hefur veitt heimild fyrir allt að 85 sumarstörfum í þessu skyni.
Meðal nýrra starfa eru fjölbreytt umhverfisstörf, störf sem snúa að stjórnsýslu og þjónustu við bæjarbúa, störf sem tengjast nýsköpun og stafrænni þjónustu, störf sem tengjast ferðamennsku og markaðssetningu o.fl. Gert er ráð fyrir a.m.k. 2ja mánaða ráðningartíma.
Boðið er upp á fjölbreytt störf fyrir námsmenn 18 ára og eldri búsetta í sveitarfélaginu, á milli anna í námi (þ.e. að koma úr námi og skráður í nám að hausti). Þessi sumarstörf eru sköpuð í samvinnu við Vinnumálastofnun og eru hluti af átaksverkefni ríkisstjórnarinnar um fjölgun starfa fyrir námsmenn í sumar, allt að 3400 á landsvísu.
Hægt er að sækja um störfin á ráðningarvefsveitarfélagins starf.arborg.is og umsóknarfrestur er til 18. maí nk.