Sveitarfélagið Árborg og Flóahreppur á Mannamótum 2020
Hin árlega ferðasýning/kaupstefna Mannamót var haldin í gær fimmtudag í Kórnum, Kópavogi. Fjöldi fyrirtækja frá öllum landshlutum voru skráð til þátttöku í ár þar á meðal fyrirtæki frá Árborg og Flóahreppi sem kynntu starfsemi sína.
Ísland hefur mikið upp á að bjóða fyrir innlenda sem erlenda ferðamenn og er Mannamót Markaðsstofa landshlutanna nýtt til að mynda styrkja tengsl innan ferðaþjónustunnar.
Mjög góð þátttaka var í ár og um 270 ferðaþjónustufyrirtæki kynntu þjónustu sína og þar af um 80 af Suðurlandi. Um 700 gestir sóttu Mannamót þetta árið auk sýnenda.
Markmið og tilgangur þessa árlega viðburðar, Mannamót, er að skapa vettvang þar sem landsbyggðarfyrirtæki fá tækifæri til að kynna sína þjónustu og vöruframboð fyrir ferðaþjónustuaðilum sem staðsettir eru á höfuðborgarsvæðinu. Einnig gafst gestum á Mannamóti kostur á kynna sér þær vörur og nýjungar mismundi landshlutar eru að bjóða.