Sveitarfélagið Árborg semur við Guðmund Tyrfingsson ehf. um akstursþjónustu
Sveitarfélagið Árborg hefur samið að undangengnu útboði við GTs ehf. (Guðmund Tyrfingsson) um skólaakstur, akstur fyrir félagsþjónustu, frístundaakstur og innanbæjarstrætó.
Gts. ehf. voru lægstir í útboði sem fram fór fyrr í vor og er samningurinn til 5 ára með möguleika á framlengingu. Þjónustan hefst 1. ágúst nk. fyrir alla þjónustuþætti nema innanbæjarstrætó sem hefst 1.janúar.
Gísli Halldór Halldórsson, bæjarstjóri Árborgar og Tyrfingur Guðmundsson, framkvæmdastjóri GTs. ehf. skrifuðu undir samninginn en með þeim eru Þorsteinn Hjartarson, sviðstjóri fjölskyldusviðs Árborgar, Helga María Pálsdóttir, bæjarritari og Bragi Bjarnason, deildastjóri frístunda- og menningardeildar.