Tilkynning frá Selfossveitum | Förum vel með heita vatnið
Næstu daga má búast við töluverðum kulda sem nær hámarki á miðvikudag. Kalt hefur verið í veðri undanfarnar vikur og reynt mikið á veitukerfið.
Kæru íbúar
Næstu daga má búast við töluverðum kulda sem nær hámarki á miðvuikudag. Kalt hefur verið í veðri undanfarnar vikur og reynt mikið á veitukerfið.
Við viljum því hvetja alla til að fara vel með heita vatnið og fara eins sparlega með það og hægt er til að minnka álag á veitukerfið. Farið verður í vægar aðgerðir til að spara vatn en mikilvægt að við vinnum saman í því að spara vatnið.
- Fólk getur sparað heitt vatn og þar með kyndikostnað sinn með því að gæta að því að gluggar séu ekki opnir og útidyr ekki látnar standa opnar lengur en þörf er á.
- Þá skiptir einnig máli stillingar ofna, að óþarflega heitt vatn renni ekki frá þeim og að ofnarnir séu ekki byrgðir, til dæmis með síðum gluggatjöldum eða húsgögnum.
- Þá eru heitir pottar við heimili talsvert þurftafrekir á vatn og gott að hafa í huga að fara sparlega með neysluvatn eins og við uppvask og böð (sturtur, baðkör).
