Trjágróður við lóðamörk | Áskorun til íbúa
Sveitarfélagið Árborg skorar á garðeigendur að klippa tré sín svo þau hindri ekki vegfarendur eða götulýsingu.
Trjágróður sem vex út fyrir lóðarmörk getur skapað hættu fyrir vegfarendur
Trjágróður er til prýði og ánægju fyrir eigendur og vegfarendur, en trjágróður getur vaxið út fyrir lóðarmörk . Slíkt skapar óþægindi og jafnvel hættu fyrir gangandi, hjólandi og akandi vegfarendur, auk þess sem það getur valdið tjóni á tækjum og bifreiðum sem þjónusta íbúa sveitarfélagsins.
Við biðjum íbúa um að bregðast skjótt við og hafa einkum í huga þau atriði sem sveitarfélagsins leggur áherslu á:
- Umferðarmerki verða að vera sýnileg.
- Gróður má ekki byrgja götulýsingu.
- Gangandi og hjólandi þurfa að eiga greiða leið um gangstíga.
- Þar sem vélsópar og snjóruðningstæki fara um má lágmarkshæð gróðurs yfir stígum ekki vera lægri en 2,8 metrar.
- Gróður er neðar en 4,2 metrar á akbraut (gildir einnig þar sem sorphirða, slökkvilið og sjúkrabílar þurfa að komast eftir stétt eða stíg)
Við óskum eftir góðri samvinnu við að tryggja almenningi greiða leið og skapa umhverfi sem dregur úr líkum á slysum og tryggir öryggi þeirra sem nota gönguleiðirnar í sveitarfélaginu.
Nánari upplýsingar eða ábendingar hjá þjónustumiðstöð sveitarfélagsins.
thjonustumidstod@arborg.is | sími: 480 1900
Með fyrirfram þökk