Unnið að hönnun á nýjum skóla á Selfossi
Vinna Hornsteina og Eflu við hönnun nýja skólans í Björkurstykki gengur vel. Byggingarnefnd hefur haldið 21 fund og á síðustu fundum nefndarinnar hafa arkitektar farið yfir staðsetningu skólans á lóðinni sem og heildar- og innra skipulag hússins með tilliti til leikskóla, tónlistarskóla, grunnskóla, frístundaheimilis og íþróttahúss.
Skólinn verður byggður í nokkrum áföngum á nokkurra ára tímabili eftir því sem aðstæður þróast og breytast í uppbyggingu skólahverfisins á tímabilinu. Áætlanir gera ráð fyrir að jarvinna hefjist í maí á þessu ári og framkvæmdir við 1. áfanga í ágúst nk. Stefnt er að því að taka þann áfanga í notkun haustið 2021 fyrir u.þ.b. 200 nemendur.