Úrslit í jólagluggaleik Árborgar 2023
Sem fyrr tók fjöldi barna þátt í Jólagluggaleik Árborgar og nú loks eftir langa bið gafst okkur tækifæri til að gleðja vinningshafa í jólagluggaleiknum.
Þrír þátttakendur voru dregnir úr innsendum lausnum
Það voru þau Bergrós Freyja, Magni Þór og Sigurður Ingi sem voru dregin úr innsendum lausnum í Jólagluggaleik Árborgar 2023. Við þökkum öllum þeim er tóku þátt og óskum vinningshöfum hjartanlega til hamingju.
Jólagluggaleikur Sveitarfélags Árborgar gengur út á að frá 1. til 24. desember opnar einn jólagluggi í stofnun eða fyrirtæki í sveitarfélaginu og í hverjum glugga er geymdur einn bókstafur sem setja á inn í þátttökueyðublað.
Stafirnir mynda setningu sem í finnast svör við þeim spurningum sem þarf að svara. Þegar búið er að finna lausnina er henni skilað í bókasafn Árborgar Selfossi eða í Sundhöllina á Selfossi.
Að lokum eru dregnir út þrír heppnir þátttakendur sem svarað hafa öllum spurningum rétt.
Sveitarfélagið Árborg þakkar fyrirtækjum og stofnunum sem tóku þátt í jólagluggunum 2023 kærlega fyrir þeirra framlag og hlökkum til að endurtaka leikinn í desember 2024.