Útboð
Sveitarfélagið Árborg óskar eftir tilboðum í : „Austurvegur - Rauðholt 2020. U-2002011“
Verkið felur í sér lagningu DN400 stállagnar fyrir hitaveitu eftir Austurvegi milli Langholts og Rauðholts ásamt endurnýjun niðurfalla, regnvatnslagnar og skólplagnar, gerð hjólastígs og endurnýjunar á gangstétt.
Einnig er um að ræða endurgerð á hluta af götunni Rauðholti á Selfossi, þ.e. jarðvegsskipti götu, malbikun hennar, gerð gangstétta og hjólastíga, endurnýjun stofnlagna fráveitu, vatnsveitu og hitaveitu, ásamt lagningu ídráttarröra.
Athuga skal sérstaklega að grafa þarf á fastan botn fyrir fráveitu, hitaveitu og vatnsveitu þvert í gegnum Austurveg (þjóðvegur nr. 1. Suðurlandsvegur).
Helstu magntölur eru:
Gröftur 7900m³
Fylling 7700m³
Malbik 3290m³
Fráveita 954m
Vatnsveita 113m
DN400 hitaveitulögn 409m
Undirlagsmalbiki á áfanga 1., þverun lagna yfir Austurveg skal lokið 29. maí 2020.
Verkinu skal að fullu lokið 1. október 2020.
Útboðsgögn verða afhent á rafrænu formi frá og með miðvikudeginum 4. mars 2020. Þeir sem hyggjast gera tilboð í verkið skulu hafa samband við Bárð Árnason hjá Eflu á Suðurlandi með tölvupósti í netfangið ba@efla.is og gefa upp nafn, heimilisfang, síma og netfang og fá í kjölfarið útboðsgögnin send í tölvupósti.
Tilboðum skal skila til Eflu verkfræðistofu, Austurvegi 1-5, 800 Selfoss fyrir kl. 11.00 fimmtudaginn 19. mars 2020 og verða þau opnuð þar að viðstöddum þeim bjóðendum sem þess óska.
Mannvirkja og umhverfissvið Árborgar