Athugið

Kórónaveiran COVID-19 upplýsingasíða


Frístundaakstur

Frístundabíllinn ekur alla  virka daga frá kl. 13:10 - 16:30 (misjafnt milli leiða, sjá neðar) og hefur það hlutverk að keyra börn frá frístundaheimilum og skóla í íþrótta- og frístundastarf innan sveitarfélagsins. Öll börn geta nýtt sér frístundabílinn og ekki er innheimt neitt gjald í bílinn.

Frístundaakstur innan Sveitarfélagsins Árborgar heldur áfram skólaárið 2020-2021. Sú breyting verður frá og með haustinu 2020 að akstur á leið 1 innan Selfoss er áfram í samstarfi við Guðmund Tyrfingsson ehf. en leið 2 milli Selfoss, Stokkseyri, Eyrarbakka og Tjarnarbyggðar er orðin hluti af innanbæjarstrætó sem er leið 75 hjá Strætó.

Hagnýtt

Um er að ræða tvær akstursleiðir:

Leið 1: Innanbæjar á Selfossi (keyrt af Guðmundi Tyrfingssyni ehf.)
Leið 2:  Eyrarbakki - Stokkseyri - Selfoss (Hluti af innanbæjarstrætó, leið 75)

Ný tímatafla: gildir frá 31.ágúst 2020: Leid 1-Frístundahringur Árborg-tímatafla frá 31.ágúst 2020
Leið 2 - innanbæjarstrætó Árborgar - tímatafla gildir frá 16.ágúst 2020

Sjá má báðar akstursleiðirnar í Google maps:  Frístundabíll – akstursleiðir á korti

Á kortinu er hægt að sjá leið 1 og 2 sérstaklega ásamt því að smella á hverja stoppistöð og sjá brottfarartíma.


Frístundabíllinn keyrir frá  31.ágúst 2020 til og með 31.maí 2021  samkvæmt tímatöflu og er ekið alla virka daga þar á meðal merkta frídaga í grunnskólum líkt og vetrarfrí eða aðra starfsdaga. Ekki er þó ekið í jólafríinu frá 21. desember til 3. janúar og í páskafríinu 29. - 31.mars 2021.

Það er enginn starfsmaður (utan bílstjóra) í frístundabílnum en foreldrar eru hvattir til að fara fyrstu ferðina með börnunum sínum til að kenna þeim á aðstæður. 

Allar ábendingar um frístundaaksturinn eru vel þegnar en hægt er að senda þær ásamt fyrirspurnum á netfangið  bragi@arborg.is  eða hafa samband í síma 480 1900 . 

Tilkynningar skólaárið 2020 - 2021

  • Á leið 1 innan Selfoss verður farið eftir Votmúlaveginum í lok hvers dags og stoppað við gatnamót að þeim bæjum sem þarf hverju sinni. Frístundabíllinn endar svo við strætóstoppistöð á Eyrarvegi (sjá nánar í tímatöflum).

Þetta vefsvæði byggir á Eplica