Miðbær Selfoss | Íbúakönnun um breytingartillögu að deiliskipulagi
Bæjarstjórn Árborgar hefur ákveðið að efna til íbúasamráðs um tillögu að breytingum á deiliskipulagi miðbæjar Selfoss og samkomulags milli sveitarfélagsins og Sigtúns Þróunarfélags.
Um er að ræða ráðgefandi íbúakönnun sem verður framkvæmd dagana 18. - 25.maí nk. í gegnum vefsvæðið “ Betri Árborg”.
Þátttakendur í könnuninni eru íbúar með lögheimili í Sveitarfélaginu Árborg, 16 ára og eldri þar sem miðað er við afmælisdag. Hver þátttakandi hefur eitt atkvæði og þarf að auðkenna sig með rafrænum skilríkjum til að geta tekið þátt.
Þurfi þátttakendur aðstoð við að taka þátt í könnuninni verður aðstoð veitt í þjónustuveri Árborgar sem staðsett er á 1. hæð í Ráðhúsinu að Austurvegi 2.
Í könnuninni er eftirfarandi spurning lögð fram með svarmöguleikunum
HLYNNT(UR) ANDVÍG(UR)
„Hver er afstaða þín til breytingartillögu er varðar uppbyggingu á miðbæ Selfoss í samræmi við fyrirliggjandi drög að samkomulagi við Sveitarfélagið Árborg og tillögu að breytingu á deiliskipulagi?“
Hvernig tek ég þátt?
- Ýtir á hnappinn “Betri Árborg / Íbúakönnun hér neðar á síðunni
- Lest yfir spurninguna og ef þú vilt taka afstöðu velur þú táknið:
ef þú ert hlynnt(ur)
ef þú ert andvíg(ur) - Skráir þig inn með rafrænum skilríkjum sem leiðir þig áfram á íbúakönnunina
- Þinn valmöguleiki breytir um lit og þú hefur lokið þátttöku
- Hægt er að fara aftur inn á meðan könnun er opin og breyta svari
Þurfi þátttakendur aðstoð við að taka þátt í könnuninni verður aðstoð veitt í þjónustuveri Árborgar sem staðsett er á 1. hæð í Ráðhúsinu að Austurvegi 2.
Kynningarfundur mánudaginn 22.maí á Sviðinu
Haldinn verður sérstaktu kynningarfundur á Sviðinu í miðbæ Selfoss mánudaginn 22.maí kl. 18:00. Þar munu fulltrúar sveitarfélagsins og Sigtúns Þróunarfélags fara yfir deiliskipulagstillöguna, samkomulagið og skipulagsferlið ásamt því að svara fyrirspurnum. Fundinum verður streymt í gegnum síðu Sveitarfélagsins Árborgar.
Hér að neðan er hægt að kynna sér öll gögn er varða breytingartillöguna á deiliskipulaginu og samkomulagsins um uppbygginguna milli sveitarfélagsins og Sigtúns Þróunarfélags.
- Viðauki við samkomulag um uppbyggingu í mið Selfoss
- Miðbær Selfoss | Breyting á deiliskipulagi - fyrir og eftir
- Greinagerð, skipulags- og byggingarskilmálar - útgáfa 0.3
Allir íbúar með lögheimili í Sveitarfélaginu Árborg 16 ára og eldri geta tekið þátt í könnuninni
