Rafræn vöktun - bókasafn

Upplýsingagjöf

Í kjallara Bókasafns Árborgar eru eftirlitsmyndavélar sem sýna myndefni í rauntíma. Um er að ræða rafræna vöktun sem fer fram í samræmi við lög nr. 90/2018 um persónuvernd og vinnslu persónuupplýsinga („persónuverndarlög“) og reglur nr. 50/2023 um rafræna vöktun. Hér eru veittar upplýsingar um vöktunina í samræmi við upplýsingaskyldu sveitarfélagsins samkvæmt persónuverndarlögum.

Tilgangur og lagagrundvöllur vöktunar

Eftirlitsmyndavélar á bókasafninu eru settar upp í í öryggis- og eignavörslutilgangi. Á svæðinu er ekki stöðug viðvera starfsfólks. Vöktunin byggir á lögmætum hagsmunum samkvæmt 6. tölul. 9. gr. persónuverndarlaga.

Aðgangur að rauntímamyndefni

Rauntímamyndefni úr eftirlitsmyndavélum er eingöngu aðgengilegt starfsfólki Bókasafns Árborgar sem hefur heimild til að fylgjast með öryggi á safninu. Myndefni er hvorki tekið upp né geymt og því eru engar upptökur tiltækar til síðari skoðunar.

Miðlun myndefnis

Þar sem ekki eru teknar upp myndir við rafrænu vöktunina, getur myndefni hvorki verið vistað né miðlað til þriðja aðila.

Réttindi einstaklinga

Einstaklingur sem kemur fyrir á rauntímamyndefni á rétt á að fá upplýsingar um vöktunina og, eftir atvikum, andmæla henni. Þar sem gögn eru ekki varðveitt, er ekki unnt að afhenda afrit eða aðgang að efni.

Beiðnir eða fyrirspurnir vegna vöktunar má beina til persónuverndarfulltrúa sveitarfélagsins með tölvupósti á personuvernd@arborg.is, sjá einnig upplýsinga um persónufulltrúa að neðan.

Persónuverndarfulltrúi

Sveitarfélagið Árborg hefur tilnefnt persónuverndarfulltrúa í samræmi við persónuverndarlög. Þeir sem hafa spurningar um rafræna vöktun eða vilja nýta réttindi sín geta haft samband með tölvupósti á personuvernd@arborg.is.

Eftirlitsaðili

Persónuvernd hefur eftirlit með því að rafræn vöktun fari fram í samræmi við ákvæði persónuverndarlaga. Einstaklingur sem telur að brotið hafi verið á rétti sínum getur lagt fram kvörtun hjá Persónuvernd. Sjá persónuvernd.is fyrir nánari upplýsingar.

Ábyrgðaraðili

Sveitarfélagið Árborg er ábyrgðaraðili rafrænnar vöktunar í Bókasafni Árborgar.

Samskiptaupplýsingar ábyrgðaraðila:

Sveitarfélagið Árborg, kt. 650598-2029
Austurvegur 2, 800 Selfoss

Símanúmer: 480 1900
Netfang: radhus@arborg.is