Tómstundaakstur
Tómstundabíllinn ekur alla virka daga frá kl. 13:10 - 16:20 (sjá neðar) og hefur það hlutverk að keyra börn frá Frístundaheimilum og skóla í íþrótta- og tómstundastarf innan sveitarfélagsins. Öll börn geta nýtt sér tómstundabílinn og ekki er innheimt neitt gjald fyrir aksturinn.
Tómstundaakstur innan Sveitarfélagsins Árborgar heldur áfram skólaárið 2026-2027. Aksturskipulagið fyrir leið 2 milli Selfoss, Stokkseyrar, Eyrarbakka og Tjarnarbyggðar verður áfram í boði og leið 1 er innan Selfoss. Þjónustan er áfram keyrð í samstarfi við Guðmund Tyrfingsson ehf.
Aksturskipulagið fyrir leið 1 er innan Selfoss
Aksturskipulagið fyrir leið 2 er á milli Selfoss, Stokkseyrar, Eyrarbakka og Tjarnabyggðar.
Tekið skal fram að nemendum FSu er frjálst að nýta þjónustu tómstundabílsins á leið 2.
Leið 1 | Tómstundaakstur í Árborg veturinn 2026 - 2027
Leið 2 | Tómstundaakstur í Árborg veturinn 2026 - 2027
Tómstundabíllinn keyrir frá 25. ágúst 2026 til og með 11. júní 2027 samkvæmt tímatöflu og er ekið alla virka daga, þar á meðal merkta frídaga í grunnskólum, líkt og vetrarfrí eða aðra starfsdaga.
Það er enginn starfsmaður (utan bílstjóra) í tómstundabílnum en foreldrar eru hvattir til að fara fyrstu ferðina með börnum sínum til að kenna þeim á aðstæður.
Allar ábendingar um tómstundaaksturinn eru vel þegnar en hægt er að senda þær ásamt fyrirspurnum á netfangið gunnars@arborg.is eða hafa samband í síma 480 1900. Þess ber að geta að þjónustan og leiðakerfið innan Selfoss er reglulega endurskoðað til að mæta auknum notendafjölda og efla þjónustuna. Allar breytingar eru birtar á heimasíðu sveitarfélagsins.
