Sundsýning á Bókasafni Árborgar Selfossi
Þann 15.- og 29. okt verður farið yfir fyrstu ár Sunddeildar Umf. Selfoss og frumherja deildarinnar minnst.
Sundsýning verður á Bókasafni Árborgar Selfossi dagana 15.- og 29.- október frá kl. 16 - 18 báða daga.
Dagana 15. og 29. október mun minjanefnd Ungmennafélags Selfoss standa fyrir viðburðum í Bókasafni Árborgar á Selfossi þar sem farið verður yfir sögu sunddeildar Selfoss.
Miðvikudaginn 15. október verður farið yfir fyrstu ár Sunddeildar Umf. Selfoss, frumherja minnst og þess hvað bygging sundhallarinnar breytti miklu. Gestir verða m.a. sunddrottingarnar Ingunn Guðmundsdóttir, Katla Leósdóttir, Þuríður Jónsdóttir, systurnar Andrea og Ásrún Jónsdætur og Jón B. Stefánsson.
Miðvikudaginn 29. október mætir svo Magnús Tryggvason, sundþjálfari, til leiks en hann hefur farið á fjölda móta erlendis og lýst sundkeppnum í Ríkissjónvarpinu, sjónvarpi allra landsmanna.
Þann 15. október opnar sömuleiðis sögusýning í Sundhöll Selfoss sem segir frá starfi deildarinnar og mun standa til 8. nóvember.
Allir velkomnir, veitingar frá GK bakaríi.
Minjanefnd Umf. Selfoss
