Hreyfivikan á Íslandi 25. - 31.maí
Ungmennafélag Íslands stendur fyrir verkefninu "Hreyfivika" dagana 25. - 31. maí nk. og er Sveitarfélagið Árborg sem heilsueflandi samfélag þátttakandi í verkefninu.
Sveitarfélagið Árborg hvetur íbúa til aukinnar hreyfingar í tengslum við verkefnið "Hreyfivika" sem fram fer þessa vikuna. Nokkrir viðburðir verða í gangi en viljum líka benda á öll þau útivistarsvæði sem eru í sveitarfélaginu og nærumhverfinu. Má þar nefna Hellisskóg, strandlengjuna við Eyrarbakka og Stokkseyri, Fjörustígin milli Stokkseyrar og Eyrarbakka, Fuglafriðlandið og almenna göngustíga innan hvers byggðarkjarna. Ótrúlega auðvelt að fara út í hjóla- eða göngutúr með alla fjölskylduna. Nánari upplýsingar um hreyfivikuna má finna hér: https://iceland.moveweek.eu/.
Ungmennafélag Íslands hefur útbúið sérstakt hreyfibingó og æfingahring sem hægt er að nálgast hér að neðan og prenta út:
Hreysti-i-Hreyfiviku-UMFI-2020
Hreyfibingo-i-hreyfiviku-25-31.mai-2020
Í vikunni er áhugsömum bent á skipulagða hlaupatíma Frískra flóamanna þar sem hlaupið er frá Sundhöll Selfoss kl. 17:30 á þriðjudögum og fimmtudögum og kl. 10:00 á laugardögum. Nánar hér: https://www.facebook.com/groups/135968469810840/
Ferðafélag Árnesinga stendur fyrir reglulegum miðvikudagsgöngum og mið. 27. maí er farið frá Fjölbrautaskóla Suðurlands kl. 19:30. Þennan miðvikudag er farið að Ölfusborgum og gengið þar upp og niður Stórukonugil. Gangan tekur um 1 - 1,5 klst. og tekur aðeins á fótinn. Nánar um viðburðinn hér: https://www.facebook.com/events/1614278135388446/