Slys í Sundhöll Selfoss
Sá afar sorglegi atburður varð í Sundhöll Selfoss þann 1. júní, að 86 ára karlmaður lést í lauginni. Sveitarfélagið Árborg og starfsfólk sundlaugarinnar vottar aðstandendum sína dýpstu samúð og mun af öllum mætti aðstoða lögregluna við rannsókn málsins. Lögreglan á Suðurlandi hefur andlátið til rannsóknar og dánarorsök liggur ekki fyrir.
Verklagsreglur í Sundhöll Selfoss eru skýrar, bæði í daglegum rekstri og í neyðartilvikum. Þær miða að því tryggja öryggi og velferð gesta, draga úr slysahættu og tryggja rétt viðbrögð þegar slys verða.
Í kjölfar þessa hörmulega slyss verða allar öryggisreglur og ferlar rýndir, aðstæður og vinnulag. Sú athugun mun meðal annars beinast að því, hvers vegna maðurinn fékk ekki aðstoð fyrr en gestir laugarinnar komu auga á hann. Hann hafði þá verið 7 mínútur á botni innilaugar, þar sem börn voru að leik og fundu manninn. Þau börn sem urðu vitni af atvikinu fengu aðstoð í samræmi við áfallaáætlun sundlaugarinnar.
Sundhöll Selfoss þakkar öllum þeim sem komu að aðgerðum og ítrekar samúðarkveðjur sínar til aðstandenda.