Er þitt fyrirtæki tilbúið fyrir nýtt samræmt flokkunarkerfi?
Samræmt flokkunarkerfi verður tekið í notkun eftir áramót. Flokkun verður eins um allt land.
Er þitt fyrirtæki tilbúið?
Nýtt samræmt flokkunarkerfi
Með síðustu breytingum á lögum nr 55 frá 2003 um meðhöndlun úrgangs er lögaðilum gert skylt að flokka með sérsöfnun í eftirfarandi flokka:
• Pappír og pappi
• Plastumbúðir
• Lífrænn eldhúsúrgangur
• Almennt sorp
Samræmt flokkunarkerfi yfir allt land er mikilvægt fyrir innleiðingu hringrásarhagkerfis á Íslandi og stórt framfaraskref í baráttunni gegn loftslagsvánni þar sem sýnt hefur verið fram á að sérsöfnun á hráefni leiði til meiri og betri flokkunar.
