Mæla með framboði í sveitarstjórnarkosningum 2026
Yfirkjörstjórn Sveitarfélagsins Árborgar hefur opnað fyrir rafræna meðmælendasöfnun fyrir framboð til sveitarstjórnar á vef Ísland.is.
Mælst er til þess að oddvitar framboða stofni söfnun en nafn þeirra og fæðingardagur birtist sem stofnandi söfnunar, leiðbeiningar um Stofnun meðmælasöfnunar vegna framboðs til sveitarstjórnar má finna hér | Ísland.is
Einnig er heimilt að safna meðmælum á pappír en mælst er til þess að þau séu slegin inn í rafræna meðmælendakerfið áður en frumritum meðmælanna er skilað inn ásamt framboðstilkynningu. Hér er sniðmát að söfnun meðmæla á pappír sem framboð geta nýtt sér.
Hægt er að mæla með framboðum hér: Mæla með framboði í sveitarstjórnarkosningum 2026 | Ísland.is
Yfirkjörstjórn Sveitarfélagsins Árborgar.
