Stofnframlög - Opnað fyrir umsóknir
Sveitarfélagið Árborg auglýsir opið fyrir umsóknir um stofnframlög, samkvæmt lögum um almennar íbúðir nr. 52/2016 vegna byggingar eða kaupa á almennum leiguíbúðum í sveitarfélaginu.
Markmið
Markmið með veitingu stofnframlaga er að bæta húsnæðisöryggi fjölskyldna og einstaklinga undir tekju- og eignamörkum og tryggja að í boði sé öruggt og viðeigandi leiguhúsnæði á viðráðanlegu verði.
Hverjir geta sótt um?
Umsækjendur þurfa að uppfylla skilyrði 3. gr. reglna Sveitarfélagsins Árborg um stofnframlög:
- Húsnæðissjálfseignarstofnanir og lögaðilar alfarið í eigu Sveitarfélagsins Árborgar.
- Aðrir lögaðilar sem ekki eru reknir í hagnaðarskyni, að fenginni heimild ráðherra, enda sé tilgangur þeirra í samræmi við markmið laga um almennar íbúðir.
Umsóknir
Umsókn skal uppfylla ákvæði 5. gr. reglnanna og 14. gr. reglugerðar nr. 183/2020, um stofnframlög ríkis og sveitarfélaga, húsnæðissjálfseignarstofnanir og almennar íbúðir.
Umsóknum skal skilað með tölvupósti á netfangið arborg@arborg.is.
Umsóknarfrestur er til og með 27. mars næstkomandi.
