Komdu að tala íslensku hefst aftur þriðjudaginn 8. september!

Nýsköpunardagur Heilbrigðisstofnunar Suðurlands verður haldinn á Hótel Selfoss þann 10. september n.k. kl. 13:00.

Frístundamessa, Haustgildi bókmenntahátíð og útgáfuhóf á Bókasafni Árborgar. Það er sannarlega nóg að gera fyrir alla fjölskylduna í Árborg þessa helgina og eitthvað við allra hæfi!

Frístundamessa Árborgar verður haldin í Kappahl-höllinni laugardaginn 5. september kl. 10:00–12:00. Þar gefst börnum, ungmennum og fjölskyldum þeirra tækifæri til að kynna sér fjölbreytt íþrótta-, tómstunda- og æskulýðsstarf sem er í boði í sveitarfélaginu.

Kjörfundur vegna þjóðaratkvæðagreiðslu í Sveitarfélaginu Árborg verður haldinn laugardaginn 29. ágúst 2026.

Tómstundabíllinn ekur alla virka daga frá kl. 13:10-16:20 (sjá neðar) og hefur það hlutverk að keyra börn frá Frístundaheimilum og skóla í íþrótta- og tómstundastarf innan sveitarfélagsins. Öll börn geta nýtt sér tómstundabílinn og ekki er innheimt neitt gjald fyrir aksturinn.

Sveitarfélagið Árborg og GTS ehf. hafa undirritað nýjan þjónustusamning um akstursþjónustu fyrir sveitarfélagið að loknu útboðsferli. Samningurinn gildir til næstu fimm ára, með möguleika á framlengingu um allt að þrjú ár til viðbótar.

Fimmtudaginn 20. ágúst 2026 fór fram árlegur fræðsludagur fjölskyldusviðs Sveitarfélagsins Árborgar í Vallaskóla. Þetta var í fyrsta sinn sem dagurinn var haldinn þar. Yfirskrift fræðsludagsins að þessu sinni var Vöxtur og vellíðan og sóttu um 700 manns daginn, starfsfólk leik- og grunnskóla, frístunda-, skóla- og velferðarþjónustu, auk annarra sem koma að þjónustu, stuðningi og velferð íbúa Árborgar.

Miðstöð um auðlesið mál og Landskjörstjórn hafa útbúið auðlesnar upplýsingar um komandi þjóðaratkvæðagreiðslu á vefsíðu sem og á bæklingaformi. Markmið þeirra er að tryggja að allir hafi aðgang að skýrum upplýsingum um lýðræðisleg réttindi sín. Það er mikilvægt að fólk fái tækifæri til að kynna sér kosningarnar á máli sem er aðgengilegt öllum.

Varnaræfingin Norður-Víkingur 2026 fer fram dagana 22. ágúst til 3. september 2026 á grundvelli tvíhliða varnarsamnings Íslands og Bandaríkjanna. Um reglubundna æfingu er að ræða en Norður-Víkingur er að jafnaði haldin á Íslandi annað hvert ár. Meginmarkmið Norður Víkings er að æfa varnir Íslands, þar með talið varnir mikilvægra innviða, sjóleiðirnar umhverfis Ísland, leit og björgun, gistiríkjastuðning og samhæfingu íslenskra stjórnvalda við herstjórnir Bandaríkjanna og Atlantshafsbandalagsins.

Grunnskólar Sveitarfélagsins Árborgar verða settir mánudaginn 24. ágúst 2026 sem hér segir: