Vinna við nýtt útlit og högun á leikskólavefum sveitarfélagsins hefur verið í vinnslu og er vefur Jötunheima fyrstur í loftið. Við óskum starfsfólki, foreldrum, forráðamönnum og öðrum notendum vefsins til hamingju með nýjan vef og vonum að hann þjóni notendum sínum vel.  

Nú í haust þegar vetraráætlun Strætó tók gildi urðu þær breytingar á innanbæjarstrætó Árborgar (leið 75) að viðbótarferð fyrir hádegi var fest í áætlun, stoppistöðum fjölgað, tíðni ferða eftir hádegi þétt og börn 17 ára og yngri þurfa ekki lengur að sýna kort til að geta nýtt innanbæjarstrætóinn frítt. 

Á 25. fundi fræðslunefndar, sem var haldinn miðvikudaginn 9. september sl., var farið yfir tillögur að nafni á nýja grunnskólanum sem verður stofnaður á næsta ári.

Sveitarfélagið Árborg vinnur að umferðaröryggisáætlun samhliða endurskoðun á aðalskipulagi Árborgar. Tilgangurinn er að finna og greina hættustaði í umferðinni. 

Í gær, miðvikudaginn 9.september greindist starfsmaður í Sundhöll Selfoss með staðfest Covid-19 smit. Umræddur starfsmaður hefur ekki verið við vinnu síðan síðasta laugardag og því hefur smitið ekki áhrif á rekstur Sundhallarinnar að svo stöddu og er laugin opin áfram fyrir gesti.  

Sveitarfélagið Árborg hefur nú þátttöku sína á samráðsvefnum Betra Ísland. Þessa nýju samráðsgátt köllum við einfaldlega Betri Árborg . Gáttinni er ætlað að vera vettvangur fyrir samráð íbúa og bæjarfyrirvalda um ýmis málefni í sveitarfélaginu.

Sunnudaginn 20. sept. nk. kl. 11:00 hefst skáknámsskeið fyrir grunnskólabörn í Fischersetri. Námsskeiðið er haldið í samstarfi við Sveitarfélagið Árborg, Skákskóla Íslands og Skákfélag Selfoss og nágrennis.

Mánudaginn 7. september verður félagsþjónusta Árborgar að Austurvegi 2 lokuð vegna flutninga.

Fimmtudaginn 3. september sl. undirrituðu eigendur að Eyravegi 2 á Selfossi sem m.a. hýsir menningarsalinn og Hótel Selfoss viljayfirlýsingu um samstarf vegna uppbyggingu menningarsalar Suðurlands.

Laugardaginn 5 september verður Eyrarbakkafjara gengin milli kl. 10 & 12 og hreinsuð. Allir velkomnir að koma og að taka þátt. Nordic Coastal CleanUp er samstarfsverkefni félagasamtaka á Norðurlöndunum sem vinna að málefnum plastmengunar í höfum með hreinsun á strandlengju Norðurlandanna, gagnasöfnun, greiningu og hvatningu.

Á 85. fundi bæjarráðs Árborgar 3. september samþykkti bæjarráð meðfylgjandi erindi frá Afréttamálafélagi Flóa og Skeiða um reglur um réttir og fjallferð árið 2020. 

Þann 26.ágúst var fyrsti snjallmælir Selfossveitna settur upp í Sveitarfélaginu Árborg. Um er að ræða fyrsta af tæplega 800 mælum sem áætlað er að setja upp á þessu ári hjá íbúum og fyrirtækjum í sveitarfélaginu.